Miðvikudagur 3. október

Smá breyting verður á æfingatíma miðvikudaginn 3. október en þá erum við á æfingu kl. 21.00-22.00 á Ásvöllum (drengjaflokkur verður með okkur).

Minni á æfingu mánudaginn 16.20 á Ásvöllum.

Næsta mót verður 13.-14. október í Ásgarði Garðabæ.

Allar breytingar á æfingatímum verða uppfærðar hér á blogginu svo ég hvet ykkur til þess að vera duglegir að fylgjast með á þessari síðu.

Pétur

Greiðsla æfingagjalda - kerfið tilbúið‏

Kæru forráðamenn
 

Nú er búið að opna fyrir kerfið sem sér um að taka á móti skráningu og greiðslu æfingagjalda. Það er búið að samkeyra kerfið (Nóri) við Hafnarfjarðarbæ og nú er hægt að fá niðurgreiðsluna strax með því að fara í gegnum mínar síður hjá Hafnarfjarðarbæ eða að fara í gegnum haukar.is sem leiðir ykkur á mínar síður.
Þetta er breyting frá því sem áður var því nú greiða forráðamenn mismuninn milli heildaræfingagjalds og niðurgreiðslu. Hafnarfjarðarbær greiðir síðan mánaðarlega beint til íþróttafélaganna niðurgreiðsluhlutann.
Þannig að það sem áður var eins og það að fara inn á íbúagátt og merkja við niðurgreiðslu þrisvar yfir árið er ekki lengur til, einng þá fá forráðamenn strax niðurgreiðsluna og þurfa því ekki að fá endurgreitt frá félaginu.

Það helsta við þetta nýja kerfi er að forráðamenn verða að ganga frá æfingagjaldinu í síðasta lagi 10. október til að fá fulla niðurgreiðslu. Ef það tefst fram til 11. október þá fellur niður endurgreiðsla fyrir sept., ef skráð er 1.nóv. þá fellur niður greiðsla fyrir okt. o.s.frv. Við hvetjum því forráðamenn til að ganga frá greiðslu sem fyrst.

Hægt er að greiða með kreditkorti og skipta greiðslum í að hámarki 12 greiðslur – enginn aukakostnaður.
Einnig er hægt að greiða með greiðsluseðli og skipta greiðslum í að hámarki 12 greiðslur – hér er rukkað svokallað þjónustugjald sem er ca. 450 krónur á hverja greiðslu.

Hægt er að fá leiðbeiningar um hvernig skráning fer fram á slóðinni http://haukar.is/ibuagatt.

Við vekjum athygli á því að það verður að ganga frá greiðslu til að fá niðurgreiðsluna.

 

Fjölliðamót Ásgarði 13.-14. október

Fyrsta mót vetrarins verður á heimavelli Stjörnunar í Ásgarði.

Við eigum leiki á laugardag;
11.45 Haukar-Njarðvík
15.30 Haukar-Tindastóll

og sunnudag;
11.15 Haukar-Stjarnan
15.00 Haukar-Grindavík

Pétur